ھڪ دوڪان تي سڳين جا مختلف قسم
ٽُڪَ وارِي سڳيءَ جو ٽؤنر
وڏي ٽؤنر واريون سڳيون
سڳي
سڳي (عورتاڻو سينگار): سڳي سُٽ مان ٺهيل هوندي آهي، جنهن کي عورتون پنهنجي وارن ۾ ويڙهينديون آهن. سڳيءَ جو ڳُر ڪاري رنگ جو ٿيندو آهي ۽ هن جا پلاند/جهوڙا رنگين گلن وارا، موتين وارا ٿيندا آهن. سڳيون ڪيترن ئي قسمن جون ٿينديون آهن، جنهن ۾ موتي واري، گُلن ۽ قلابات واري، لسيون ۽ رنگين وغيره شامل آهن. هن کي ٺاهڻ لاءِ هر قسم جو سُٽ استعمال ڪيو ويندو آهي، جنهن ۾ ايراني سٽ، ريشم سُٽ، سوٽي سٽ شامل آهي. عورتون سڳي کي وڏي شوق سان وارن ۾ سونهن طور ويڙهينديون آهن. ننڍي عمر واريون ڇوڪريون، وارن کي وڏو ڪرڻ لاءِ وارن ۾ مهندي وجهي سڳي ويڙهائينديون آهن ته جيئن وار وڏا ٿين. اُها سڳي اڪثر ڪري ڪاري رنگ جي هوندي آهي. سنڌ جون عورتون گهرن ۾ هنر طور، واندڪائي ۾ سڳيون ٺاهينديون آهن. ڪجهه عورتون وري معاشي ضرورتن کي پورو ڪرڻ لاءِ به ٺاهينديون آهن. سڳي وارن ۾ ويڙهڻ وارو رواج صرف هاڻي ڳوٺن تائين محدود ٿي ويو آهي. شهرن ۾ اُن جي جاءِ تي وارن لاءِ مختلف قسمن جون هيئرس بنڊ، ڪيچرس، ڪلپ ۽ ڪانٽا اچي ويا آهن، جيڪي شهر جون عورتون استعمال ڪنديون آهن. پر پوءِ به سنڌ جي ڳوٺن ۾ سڳين جي وڏي اهميت آهي. عورتون شوق سان ٺاهينديون ۽ استعمال ڪنديون آهن.
لفظ سڳيھيٺين داخلائن ۾ پڻ استعمال ٿيل آھي
سينگار - ڀاڱي جون ٻِيون داخلائون
اَڌ گول ڦڻيساٻانگهي
جتي
اٻٽڻ
ٽاجوئا
ابٽڻ
چوٽيون
ببري
ٽوپاز
سنڌ جا زيور2